№176 орта мектебінде  «Адал азамат» біртұтас тәрбие бағдарламасының «Еңбегі адал – жас өрен» жобасы аясында дәстүрлі «Күзгі асар» жәрмеңкесі ұйымдастырылды. 
Мақсаты – оқушыларды еңбекке баулу, өз еңбегінің нәтижесін бағалай білуге, отбасылық құндылықтарды дәріптеуге және үнемшілдікке тәрбиелеу болды. 

Жәрмеңке барысында оқушылар өз қолдарымен өсірген бақша өнімдерін, үй тағамдарын және қолөнер бұйымдарын ұсынды. Ата-аналар мен ұстаздар белсенді қатысып, балалардың бастамаларына қолдау білдірді. 
Жиналған қаражат мектептің әлеуметтік қолдауды қажет ететін оқушыларына көмек ретінде жұмсалмақ. Шара жоғары деңгейде ұйымдастырылып, қатысушылар арасында көтеріңкі көңіл-күй орнады. 
Оқушылар адал еңбек арқылы жетістікке жетудің маңызын ұғынды. 

 «Күзгі асар» жәрмеңкесі – оқушылардың еңбексүйгіштік, жауапкершілік және қайырымдылық қасиеттерін қалыптастыруға бағытталған маңызды іс-шара болды.