5 қыркүйек күні №176 мектеп кітапханасы оқырмандары арасында кітап оқуды насихаттау мақсатында «Мен оқыған кітапты сен де оқы» атты акция өткізілді. 

Акция барысында оқырмандар өздері оқыған кітаптарын таныстырып, мазмұны мен алған әсерлерімен бөлісті. Сонымен қатар, кітаптардан үзінділер оқылып, басқа оқырмандарға оқуға ұсыныстар жасалды. 

Іс-шараның мақсаты – оқушылардың кітап оқуға қызығушылығын арттыру, оқу мәдениетін қалыптастыру және оқырмандар арасында пікір алмасу алаңын құру. 

Акцияға кітапхананың белсенді оқырмандары қатысып, бір-біріне өз сүйікті шығармаларын, ертегілерін жарнамалады. Сен де сүйікті кітабыңды оқып, досыңа ұсын!